Kenya yacyemuye amakimbirane na Tanzania yari ashingiye kuri Coronavirus

Kenya yacyemuye amakimbirane na Tanzania yari ashingiye kuri Coronavirus

Ubwo ubushyamirane bwari bukaze Tanzania yabujije kompanyi enye z'indege zo muri Kenya kugurukira mu kirere cyayo

Insiguro y’isanamu,

Ubwo ubushyamirane bwari bukaze Tanzania yabujije kompanyi enye z’indege zo muri Kenya kugurukira mu kirere cyayo

Leta ya Kenya yaraye yongereye Tanzania ku rutonde rw’ibihugu abagenzi babivuyemo basonewe kudashyirwa mu kato k’itegeko k’iminsi 14 mu kwirinda ubwandu bwa coronavirus mu gihe bageze muri Kenya.

Ibi bihugu bituranyi byari bibanye nabi kuva mu kwezi kwa gatanu ubwo Kenya yabuzaga abashoferi b’imodoka z’amakamyo bavuye muri Tanzania kwinjira mu gihugu.

Leta ya Kenya yari imaze igihe ifite ubwoba ko Tanzania idakorera mu mucyo ku bijyanye no guhangana n’iki cyorezo.

Ariko ubu ubushyamirane busa nk’ubutangiye koroha.

Ibindi bihugu byasonewe ko abagenzi babivuyemo badashyirwa mu kato bageze muri Kenya birimo nk’Afurika y’epfo, Leta Zunze Ubumwe z’Amerika, Ubuhinde, Mexique (Mexico) na Espagne.

Ibyo bihugu bisanzwe biri mu bifite umubare munini cyane w’abanduye n’abamaze kwicwa na Covid-19 ku isi.

Ariko, abategetsi ba Kenya barakomeza gusaba abagenzi bose binjiye muri iki gihugu kwerekana icyemezo cyuko bapimwe Covid-19 bagasanga ntayo barwaye.

Abagenzi bafite igipimo cy’umuriro kiri hejuru ya dogere 37.5 bazajya bashyirwa mu kato.

Ubwo ubushyamirane bwari bukaze, Tanzania yabujije kompanyi enye z’indege zo muri Kenya kugurukira mu kirere cyayo.

Kugeza ubu muri Kenya abantu barenga 36,000 bamaze gutangazwa ko banduye coronavirus, muri bo abarenga 600 yarabishe, nkuko imibare ya Kaminuza ya Johns Hopkins ibigaragaza.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Cardi B files for divorce from Offset

Cardi B files for divorce from Offset

Lions still want to mix in other backs with Adrian Peterson

Lions still want to mix in other backs with Adrian Peterson